காதல் வாரம்...

*உன்னுடைய
உடைகள் காய்கிற
கொடியைச்சுற்றி
பட்டாம்பூச்சிகளுக்கு என்ன வேலை...

*உனக்கு
ஓட்டம் காட்டுகிற
ஆட்டுக்குட்டியை ரசிக்கிறாய் நீ
ஆட்டுக்குட்டியை விரட்டும்
மான்குட்டியை ரசிக்கிறேன் நான்

*நீ
முத்தம் கொடுத்துப்போன
சோளக்கொல்லை பொம்மையை
காவல் காக்கிறேன்நான்...

*எதை பார்க்கையில்
உன் ஞாபகம் வருமென்கிறாய்
எதுவுமே உன்னைப்போல இல்லை
என் காதலைத்தவிர...

*உன்னைப்பார்க்கும்வரையில்
நான் உயிரோடிருந்தேன்
இப்பொழுது வாழ்ந்து கொண்டிருக்கிறேன்...