போதையில் உளறியது...

*
நேற்றய இரவில்
ஏற்றிய போதையின் தலைவலிக்கு
மாற்றாக இன்றய பகலில்
தேவைப்படுகிற போதை போல
உன் நினைவுகளுக்கும் மருந்தாக
மறுபடியும்
உன் நினைவுகள்...

*
மதவடிப்பனங்காணி
ஒற்றைப்பனைக்கள்ளின் போதை
எதுவுமில்லாமல் போயிற்று
உன்னை முதன்முதலாய்
சேலையில் பார்த்த
நாளில் இருந்து...


*
நாட்டுச்சரக்கு
"நச்"சென்று இருந்தது...
நீ சிரிக்கும் போது குழிகின்ற
கன்னங்களை பார்க்கும் வரை...


*
சொன்னால் கோபப்பட கூடாது
பனஞ்சாராயம் தருகிற
மயக்கமெல்லாம் சாதாரணம்
நீ "இஞ்சயப்பா..." என்று
சினுங்கும்பொழுது...


*
ஊற்றிவைத்த மதுவின் முதல்சொட்டும்
பற்ற வைத்த சிகரெட்டின் கடைசி "தம்மும்"
தருகிற சுகமே
தனி என்று சொல்வதை மறந்திருந்தேன்
உந்தன் முத்தங்களை பருகியதிலிருந்து...


*
"தண்ணி" அடிச்சா கவலை மறந்து
உறங்குவேனென்று நம்பியிருந்தேன்..
உன் மடியில் உறங்குகையில்
உலகையே மறந்து விடுகிறேன்...