நானும்,நினைவுகளும்...!

சரி செய்யாமல் இருக்கிற படுக்கை
காய்ந்து போன மீதங்களோடு
தேநீர் கோப்பைகள்
கலைந்து கிடக்கிற அறையில்
நின்று போன சுவர்க்கடிகாரம்,
கழுவாமல் இருக்கிற ஆடைகளின் குவியல்
குழம்பிக்கிடக்கிற மேசையில் புத்தகங்கள்
நிரம்பிக்கிடக்கிற சாம்பல் தட்டில்
அணைந்து கிடக்கிற சிகரெட்டுகள்
தூசு படிந்திருக்கிற கம்பியுட்டரைச்சுற்றி
சிதறிக்கிடக்கிற 'சிடி'கள்...

பலதும்...
உன் வருகைகளற்ற
நாட்களைப்பற்றி பேசுகின்றன

அறை சரி செய்யப்படலாம்
நிகழ்வுகள் மாறக்கூடும்...
நானும்,நினைவுகளும்?!